Buscamos a un administrador ou administradora de sistemas Windows para cubrir de xeito temporal unha excedencia no Departamento de Sistemas Windows de dinahosting. Dado que o posto é temporal, buscamos persoal con certa experiencia para a súa rápida adaptación. Non precisamos unha titulación específica, pero toda formación ou certificación relacionada con Microsoft Windows Server valorarase positivamente.
O administrador ou administradora será responsable da nosa infraestrutura de sistemas Windows, sistemas de virtualización como Hyper-V, xestores de bases de datos como MySQL, SQL Server e protocolos de rede e aplicación como HTTP, POP3 e SMTP.
Para nós é moi importante que sexas capaz de automatizar todo tipo de configuracións e procesos sobre ditos sistemas. Coñecementos sobre sistemas Linux e seguridade son aspectos importantes a valorar. Tamén utilizamos metodoloxías áxiles na nosa xestión de proxectos, como Scrum. Investigando, propoñendo e deseñando solucións en equipo. Desenvolvendo tarefas de administración de sistemas tanto en infraestrutura propia como na dos nosos clientes e documentando o teu traballo. Facendo despregues e postas en produción das ferramentas que desenvolviches e resolvendo as incidencias que poidan xurdir. E por suposto, encantaríanos que nos deses sempre a túa opinión e ideas de mellora sobre os proxectos do departamento.
A nosa estrutura é horizontal e existe a figura do responsable de área ou Team Lead, que supervisa o traballo do equipo e está para baixar ás trincheiras cando fai falta. Organizamos o traballo do equipo baixo a metodoloxía Scrum. Os sprints teñen unha duración semanal e facemos reunións para o seu seguimento, evitar puntos de bloqueo e aportar solucións o máis rapidamente posible. Non partirás de cero en todo isto.
Temos documentados os procesos de traballo e facemos talleres de formación constantes entre os equipos. A túa xornada consiste en turnos rotativos que cambian cada semana, nos cales estarás unha semana de mañá de 7:00 a 15:00 e para a seguinte semana será de 14:00 a 22:00 horas, cunha parada de media hora de descanso. Neste posto requírese dispoñibilidade para gardas, despois do turno de tarde e fins de semana; o administrador ou administradora permanecerá pendente do teléfono para resolver incidencias que poidan afectar a nosa infraestrutura.
Somos fans da flexibilidade e da conciliación, e sempre que o necesites poderás ir cos pequenos ao médico ou acudir a consultas sen ter que recuperar ese tempo. As nosas oficinas e punto de encontro están en Santiago de Compostela, pero poderás escoller acudir á oficina ou facer traballo en remoto.
Ti elixes! Salario según convenio propio. Ademais contamos con esta serie de beneficios sociais: Elección libre de vacacións: coordínate co teu equipo e elíxeas cando ti queiras. Bolsa de formación subvencionada ao 100 %. Axudas para o pagamento de garderías e centros de coidado de maiores.
#J-18808-Ljbffr